CX FA Interview Part 2 - FINAL

終於來到 Final Interview 的日子

其實係呢幾日期間都準備左好多野

睇下其他人分享空姐面試過程同心得

有D 仲會share 埋interview 期間問左咩D 問題

的確, 佢地既分享真係好有用, 起碼比左個方向自己由邊到準備先

所以當我完左呢個interview 都打返自己既過程比其他人參考下

BEFORE INTERVIEW

非常幸運地, 我既面試時間係下午 2:30 

可以訓晏少少之餘, 仲可以利用埋早上既時間黎幫自己 warm up 下個狀態

大概朝早7 點就起左身, 食左個早餐  就開始練習

因為之前上網揾左好多interview 既問題, 寫左一份notes

而我都好勤力咁將所有人地問過既野, 或者可能會問既野都準備晒點答

(遲下先再詳細地分享如何準備問題, 下篇再續)

1. 熟讀自己既答題方向

其實係呢個時候都無咩可以做, 唯有背熟自己要答既野

同埋再次認識自己係一個點既人

好多人準備答題既時候, 會狡盡腦汁諗點樣可以sell 自己

由其當問到自己有咩優點都好格硬咁諗d point 出黎
所以係呢個時候要幫自己洗腦, 覺得自己真係一個可以勝任呢份工作既人

其實我建議將問題整返個list 出黎

一黎可以方便自己温習

二黎當你準備答案既時候, 再重覆睇多幾次就覺得先前自己答既野唔夠好, 方便修改

三黎改完之後, 你會發覺所有野將會有連慣性, 更易幫自己洗腦

2. 進入英文狀態

由於本人英文都唔係特別流利, 所以有必要warm up 下, 方便準入狀態

方法不外乎都係聽下英文, 讀下英文文章

為左節省時間, 一起身聽返個英文台收音機, 之後再去刷牙食早餐

然後再揾英文讀, 我果陣就拎左本 service in the sky 黎讀

因為佢入面既英文簡單, 而且好多時佢既字都可以用返落面試到

我果陣見佢有d 句字寫得幾好, 就背左佢

3. 進入模擬練習

warm up 完英文之後當然要進入面試既狀態啦

我果陣緊張既程度係諗起面試都已經手震

方法1. 坐係塊全身鏡面前練習下講野

主要都係想睇下自己既坐姿好唔好睇, 夠唔夠大方

同埋講野既時候盡量要挺直, 方便執自己個姿勢

因為到時interviewer 都係會見到塊鏡咁既款

方法2. 用webcam 錄低自己既interview

因為我用ntoebook, 所以有個內置cam 好方便錄影

我練習果陣都係望住個cam 講野

再望返條片見到自己講野既時候太多面部表情

個程度係有少少驚人既  lol 

其實呢個問題有個interviewer 已經同我提及過 

佢叫我final interview 果陣改左佢, 因為真係好影響人對你既感觀, 比人覺得你唔成熟

主要都係因為佢咁樣同我講完, 我先用cam 錄低, 太恐怖了

我一時之間都好難改呢個習慣, 無辦法, 起碼知道呢個問題存在

唯有到真正面試既時候盡量改

4. 準備化妝, 服飾

其實我覺得呢方面都幾重要, 因為好影響 first impression

而且係自己可控制既範圍下, 盡量做足少少啦

因為篇幅有點多, 所以再分開另一篇講啦

FINAL INTERVIEW

早少少門口啦, 約鬆d 時間之餘, 去到準備下心情

我果陣係地下check-in 完拎卡去4 樓, 唔小心去左南座

我完全無望過張卡後面個地址 lol 其實係應該北座先岩

攪到我兜左個大圈, 竟然係個office 入面迷路 -_-

不過好好彩, 入面既人超級無敵nice,

見我個樣99 下, 問我去邊lol  教完我點去北座之後

我又揾唔到個waiting area....又再係北座入面兜左個圈..

之後見到一班學員..佢地又問我去邊-.-.....仲好好心帶埋我去!!! (感恩~)

所以話.....預左少少出門口係必需架.............

廢話少講, 馬上入戲肉

首先係waiting area 到拎張紙填啦.. (等緊既candidate 都會好好心提你) 

填完就對資料, 問左基本野啦, 讀篇中文文章

之後出去等interviewer 叫你個名就跟佢入房行刑啦

 一開頭brief 下個interview 先啦, 話大概過程20-30 分鐘, 想認識你多d 之類

- 劈頭就問我今日點準備個interview?
 ( 照直講啦..上網research, practice interview)

- 你除左apply fa 之外, 仲apply 左咩工?
 (無)

- 如果fa 失敗左之後, 你會點?
(照直答啦..呢d 問題一定要準備)

- 點解想做fa? 

  (中意cs , 可以同人溝通, 記得link 返fa 到, 例如fa 都好多機會都同人interact, 好中意serve 人, 雖然有時幾challenging , 由其對住demanding customers, but when you get over the challenge, it is my achievement , 順便show 比佢睇你有考慮到現實 同埋係self motivate )

- 你覺得咩人先demanding customers? 

 (建議講某種特質既人, 千奇唔好specific 指名邊類人..然後自動波講埋你會點handle 啦)

- 咁你有無遇過?

(一早準備左cs 故仔, 照直答)

- 咁你有無試過對d 客做多少少?

(其實無, 不過準備左個故仔話自己點幫客人, 都係跟返程序, 但後尾老吹自己比左電話個客, 方便佢有問題果陣再揾我)

- 你覺得fa 會遇到咩問題?

( 照直答啦..呢d 問題一定要準備..我準備左3 個points, 講晒佢, 然後再自動波講埋自己點handle)

- 如果你今次apply 成功,你有咩打算?
(睇左本書, 背左入面既句子, hahahhahaha, 估唔到真係有用, 照直講啦, 話繼續做fa, 透過不斷吸收知識, 語言同埋唔同既文化, , 除左份工之餘, 你仲可以做乜?...)

- 你提到language, 你有學既打算?
(係呀..specific 少少講想學乜野語言..同埋原因啦, 咁樣先有說服力)

大概問到呢個啦..就比左段passage 我讀...
當我以為過程完結既時候....開始鬆口氣...但佢再繼續問

- 如果你係fa, 你會點解決?
(讀既時候, 理解下篇文就答到, 其實係關於d 細路好鬼嘈, 點解決佢地..睇返本書啦, case study 有講)

- 你覺得fa 要具備咩條件?
(照直答啦..呢d 問題一定要準備)

- 如果你遇到個客好嬲, 你會點?
(叫佢冷靜! 冷靜! 再冷靜! 心諗: 不外乎都係比佢發洩姐...當然講得正面少少啦, 最後話揾solution)

- 你會點睇佢地?
(一定要話自己明白佢心情啦, 其實有時自己都可能係demanding customers, 學蘇局長講..包容! 包容! )

- 你黎interview 之前有無了解過cx?
(一定話有啦,,上佢網頁係指定動作...照直講你揾到d 咩啦..順便擦鞋..話自己好想join..其實都真心好想join..hahaha...)

- 你之前有無係cx apply 過?
(照直講啦..over 6 months ..講多少少野啦..其實我畢業第一份工in cx, 不過fail)

- [追問] 你覺得咩原因fail?
(不外乎無準備,,唔成熟..同埋果陣對空姐太fantasy..)

講到呢到好似差唔多完啦...後尾佢話我listening test fail 左..叫我再做多次...

睇返其實問左好多問題...lol...
不過當時覺得自己表現都唔錯
首先係我準備得好充足, 佢問完我之後..係可以立即回應
其次英文係比想像中流暢, 可能因為知要講咩啦..

TIPS

1. 調整自己心態, 千奇唔好緊張, 同埋d 比信心自己
我行入房果刻同自己講: 我做左咁多努力, 你唔請我仲請邊個?

2. 做足準備
1st in 同final 隔左咁多日, 有好多充裕時間比你準備final
其實係我1st in 之前已經開始準備..立定決心一定要拎到offer 為止
而且上面interviewer 問過我既所有問題, 我都有晒準備, 完全係意料之內
好多時d人覺得好難既原因係佢會再based on 你既答案再追問多少少detail
點解咁多人會衰左係呢度..因為好明顯你之前答既野 interviewer 覺得你敷衍
為左證實唔知你係咪老吹, 所以再追問你..如果你答唔到..即係老吹啦..你根本無plan!!
所以事前幫自己洗腦, 學language 果part 我係老吹既..hahaha..老吹都要事前plan 定架!

3. 一定要show 比佢睇你對自己career 有上進心, 對空姐無fantasy
老實講, 好多人想做都係因為佢性質好玩..周遊列國好威威, 加上衝上雲霄既效應之下
好多人都覺得做空姐好浪漫..但係！！！！！！
請停止ｆｆ!! 你而家係見工！！！再當空姐係一份普通工黎見！！！！
所以為左平衡自己心理, 睇多d 空姐界醜惡既野啦!!!!
你就會知理想同現實係有距離...
講到底

心態最重要！！！