iherb 購物分享 - 護膚品篇

我的護膚哲學

本身對於護膚品就唔係太講究，亦都唔係好識得分好唔好用，如果話專業到要講究用咩成份，有咩效用既認識就唔太深入。但由於自己本身都係敏感性膚質，所以都好小心選擇，例如有酒精，或者人造味道太重都不會用，即使唔係iherb 買，我平時都只係會用醫學品牌既護膚品，感覺好似可靠D。
而之前用完再用既最喜愛品牌係AVENE，無論係洗面，爽膚水，定係面霜都係用緊佢，因為好温和，但唔知係咪用完又用既關係，皮膚可能適應左，開始無乜明顯改善，所以都想試用下其他牌子。

另外個人認為，護膚品雖然係日常必需，你做得足只係唔會令你原先既皮膚變差，就算做得好，亦唔會令到你既皮膚有好大既改變。即係本身普通膚質，唔會因為用左之後而變到剝殼雞蛋，白裡透紅咁滑。如果你期望呢個效果的話，可能要靠醫學美容，打針輔助，就已經唔係基本保養。講到最尾，最天然既皮膚保養方法都係飲食均衡，早睡早起，從生活著手既，護膚品只係輔助黎既姐。

總結，對於我黎講，咩係好用？

保不差已經係好用！

護膚品係消耗品，每日都要用，就好似洗頭水，沖涼液一樣

消耗量大既野買咁貴都幾奢侈，我自己都唔係太捨得既......

當然，自己能力內負擔到就無問題

好啦，講完咁耐，係時候開始iherb 購物分享

Pangea Organics, Facial Cleanser, Egyptian Calendula & Blood Orange, 4 fl oz (118 ml)
價錢：HK$ 239.71 （圖左）

評價：＊＊＊＊

試後感： 好細樽，偏貴，考慮回購
好用，LOTION 狀，好温和，好舒服，用完亦唔會有崩緊既感覺，而且味道都好天然，亦都可以去到面油
Pangea Organics, Facial Mask, Japanese Matcha Tea with Acai & Goji Berry, 4 fl oz (120 ml)
價錢：HK$ 352.52（圖右）

評價：＊＊＊＊＊

試後感： 已回購
最先接觸係2-3 年前有次去宿營既時候，係朋友比我試，話係羽翹介紹好好用，不嬲都唔係好信youtuber，因為好多時佢地都收左廣告錢吹大左，講到有幾好用幾誇張咁樣，多數買黎用之後就會有種「車~咪又係咁」既感覺。
但係呢枝真心正，敷完之後鼻上黑頭少左，之後搽既CREAM 都易吸收，整體感覺清爽
由其第二日起身化妝既時候，粉底係特別貼服
唯一唔好處就係價錢有少少貴，因為每次敷用既分量都唔少，所以一枝可能用到十次左右，一枝既價錢唔算平，如果香港買仲更加貴，建議iherb同朋友夾，兩枝以上有九折，而且呢枝野經常性斷貨，見到就好買啦！
Acure Organics, Brightening Facial Scrub, 4 fl oz (118 ml)
價錢：HK$ 66.51

評價：＊＊＊＊

試後感：會回購
平時都好少用磨沙，可能一個月先用2-3 次，所以一枝磨沙膏都可以用一年LOL
之前用開Neutrogena既磨沙GEL，係幾舒服既，但有一個最大既唔好處，就係佢既磨沙粒粒係用膠造，我相信對人體皮膚既影響係不大，但係佢會對環境生態造成影響。由於膠粒太細小，過濾污水既時候好難將佢分隔出黎，所以會直接流入大海，之後可能會比D魚食左。
魚既身體又消化唔到膠粒，就會令佢地病，最終都係會影響到食魚既人類。
係美國，類似既磨沙產品已經立法禁售。
當知道左呢單新聞時，我都將用剩一半既磨沙GEL 狠心地掉左，就買左呢枝磨沙黎試。

用左幾次，佢D磨沙好密，用完之後膚質係嫩滑左,用TONER 既時候易左吸收，其他人話用左之後覺得膚色均勻左。我就覺得無乜特別改善，可能要用耐少少有效果，不過個味道就唔係咁好聞，好似藥材味咁
總括黎講都係唔錯既磨沙膏，發揮到應有既功效
Thayers, Witch Hazel Aloe Vera Formula, Alcohol-Free Toner, Rose Petal, 12 fl oz (355 ml)
價錢：HK$ 68.62

評價：＊＊＊＊

試後感： 無懸念，一定回購
其實我爽膚水枝枝都差不多，但係呢枝連我都覺得好用
首先，搽完之後好快吸收，而且塊面都好舒服，陣陣玫瑰香味
其次，價錢便宜，用既時候唔洗慳住用，所以倒多左都唔會肉赤

其實呢個牌子係美國都好似幾出名，好有歷史，最近行過沙田間LOG ON 見香港都有得賣
不過就成$129 一枝，係 iherb 買平一半，仲諗？
Nourish Organic, Lightweight Moisturizing Face Lotion, Argan + Rosewater, 1.7 fl oz (50 ml)
價錢：HK$ 162.28

評價：＊＊＊＊

試後感： 會回購
呢個牌子都好多人推介，而且呢枝野係經常性都斷貨，所以見到好快手買，轉個頭又無晒架啦！
UMMMMM....我本身都幾中意用LOTION，質地水水地，都幾易吸收，而且又唔貴，仲有陣陣玫瑰味，都唔錯
BTW...影緊相既時候我隻貓高速行過 LOL，唔知佢咩事
Andalou Naturals, 1000 Roses Beautiful Day Cream, Sensitive, 1.7 oz (50 ml)
價錢：HK$ 166.39（圖左）

評價：＊＊＊＊

試後感： 會回購
喂～呢枝好用～推介～推介！
呢個牌子係有機醫學品牌，咁既價位，平到爛
其實我唔太鍾意用CREAM，通常比較難推少少，但係呢枝CREAM 都幾易推開! 而且搽完仲好潤，粉紅色係比敏感皮膚用，佢仲有其他系列，例如美白，下次會試下其他系列
仲有呢枝既玫瑰味係好濃郁~ 我喜歡 :)
Andalou Naturals, 1000 Roses, Daily Shade, Facial Lotion with SPF 18, Sensitive, 2.7 fl oz (80 ml)

價錢：HK$ 99.57（圖右）

評價：＊＊＊＊

試後感： 可以回購，不過用完會想試下其他先
買呢枝只有兩個原因，首先係平，其次係佢有防曬
有時搽完DAY CREAM 再要搽多層防曬覺得麻煩，諗住買枝有防曬功能既DAY CREAM 一舉兩得。佢都算保濕同埋易推，不會失望，亦不會超出期望既一枝防曬，如果未試過可以一試，價錢黎講係抵玩，一百蚊都唔洗
Madre Labs, Hand Cream, With Argan Nut Oil, Unscented, 2.5 oz (71 g)
價錢：HK$ 38.78

評價：＊＊＊＊

試後感： 一定回購，冬天必備
我本身係個搽hand cream 好頻密既人黎，每次洗完手都會搽，所以hand cream 對我黎講係高度消耗品，唔太捨得買咁貴。個人認為最好用都係 L'occitane，Lotion 質地，味道香，快吸手，即使搽完之後拎野都唔會覺得痴立立，不過對我黎講就貴左少少，價錢唔平之餘，亦都好快用晒。
講返呢枝hand cream，絕對有驚喜，我本身麻麻地cream 狀，但係佢都算快吸收，而且仲好滋潤，搽完之後比其他既hand cream last 得耐少少，out of expected，冬天用岩晒！仲好平添，絕對會回購！唯一要挑剔既地方係佢無味道，始終慣左之前既hand cream有陣陣香味飄散，但係人地既其中一個賣點係unscented LOL...hahahaha
唔錯架～又平，值得買架！